ലോസ് ഏന്‍ഞ്ചല്‍സ്: മക്കള്‍ രാക്ഷസന്മാരായി വളരുമോയെന്ന ഭയത്താല്‍ കുട്ടികളെ കൊലപ്പെടുത്തിയ പിതാവ് അറസ്റ്റില്‍. കാലിഫോർണിയയിലെ സർഫിംഗ് സ്കൂൾ ഉടമയ്‌ക്കെതിരെയാണ് പോലീസ് കേസെടുത്തിരിക്കുന്നത്. 2 വയസ്സുള്ള മകനെയും 10 മാസം പ്രായമുള്ള മകളെയും മെക്സിക്കോയിലെ റോസാരിറ്റോയിലേക്ക് കൊണ്ടുപോയി കൊലപെടുത്തിയെന്ന് മാത്യു ടെയ്ലർ കോൾമാൻ പോലീസിനോട് സമ്മതിച്ചു.
ഇലുമിനാറ്റി, ക്യൂ അന്നാന്‍ എന്നീ സിദ്ധാന്തത്തിന്‍റെ അടിസ്ഥാനത്തില്‍ മക്കള്‍ രാക്ഷസന്മാരായി വളരുമെന്ന് തനിക്ക് വെളിപാട് ലഭിച്ചെന്നും, അതിനാല്‍ ലോകത്തെ രക്ഷിക്കാന്‍ അവരെ കൊലപ്പെടുത്തുകയുമായിരുന്നുവെന്നാണ് കോള്‍മാന്‍ നല്‍കിയ മൊഴിയില്‍ വ്യക്തമാക്കുന്നത്. തന്റെ ഭാര്യക്ക് സാത്താന്‍റെ ഡിഎൻഎ ഉണ്ട്. അത് കുട്ടികൾക്ക് ലഭിച്ചു. നിയമപ്രകാരം താൻ ചെയ്തത് തെറ്റാണെന്ന് തനിക്കറിയാമെന്നും എന്നാൽ ലോകത്തെ രക്ഷിക്കാന്‍ തനിക്ക് ഇതല്ലാതെ മറ്റ് മാര്‍ഗങ്ങളുണ്ടായിരുന്നില്ലായെന്നുമാണ് അയാള്‍ പറഞ്ഞത്. ഓഗസ്റ്റ്‌ 31- നാണ് കേസ് വിചാരണ ആരംഭിക്കുക.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
അമേരിക്കയില്‍ തീവ്ര വലതുപക്ഷ വിഭാഗത്തിനിടയില്‍ പ്രചാരമുള്ള ഒന്നാണ് ക്യൂ അന്നാന്‍. സാത്താൻ സേവകരായ ഡെമോക്രാറ്റുകളും താരങ്ങളുമെല്ലാമടങ്ങുന്ന ഒരു കൂട്ടം കുട്ടികളെ തട്ടികൊണ്ട് പോകുകയും ലൈംഗിക അതിക്രമത്തിന് വിധേയരാക്കുകയും ചെയ്യുന്നു. ഇതിനെതിരെ രാജ്യത്ത് ശക്തമായ ബോധവത്ക്കരണം അധികാരികള്‍ നടത്തുന്നുണ്ട്.
