അല്‍ ജസീറ റിപ്പോര്‍ട്ടറെ ഇസ്രായേല്‍ സൈന്യം വെടിവെച്ച് കൊന്നു

ജെനിന്‍: മാധ്യമപ്രവര്‍ത്തകയെ ഇസ്രായേല്‍ സൈന്യം തലയ്ക്ക് വെടിവെച്ച് കൊന്നു. അന്താരാഷ്ട്ര മാധ്യമമായ അല്‍ ജസീറയുടെ മുതിര്‍ന്ന മാധ്യമപ്രവര്‍ത്തകയായ ഷിറിന്‍ അബു അഖ്‌ലയാണ് കൊല്ലപ്പെട്ടത്. വടക്കന്‍ വെസ്റ്റ് ബാങ്ക് നഗരത്തിലെ ഇസ്രായേലിന്റെ സൈനിക നടപടി റിപ്പോര്‍ട്ട് ചെയ്യുന്നതിനിടെ സൈന്യം അവരുടെ തലയ്ക്ക് വെടിവെക്കുകയായിരുന്നു. തലയ്ക്ക് വെടിയേറ്റ് ഗുരുതരമായി പരിക്കേറ്റ ഷിറിന്‍ ആശുപത്രിയില്‍വെച്ചാണ് മരിച്ചത്. ഇസ്രായേല്‍ സൈന്യത്തിന്റെ ആക്രമണത്തില്‍ അവരുടെ കൂടെയുണ്ടായിരുന്ന അലി അല്‍ സമുദിയ്ക്കും പരിക്കേറ്റിരുന്നു.

പലസ്തീന്‍ ആരോഗ്യവകുപ്പ് ഷിറിന്റെ മരണം സ്ഥിരീകരിച്ചിട്ടുണ്ട്. അതേസമയം, പലസ്തീനും ഇസ്രായേല്‍ സൈന്യവും തമ്മില്‍ നടന്ന സംഘര്‍ഷത്തിനിടെയാണ് മാധ്യമപ്രവര്‍ത്തക കൊല്ലപ്പെട്ടത് എന്നാണ് ഇസ്രായേല്‍ വിദേശകാര്യ മന്ത്രി പറയുന്നത്. വിഷയം സംയുക്തമായി അന്വേഷിക്കുമെന്നും അദ്ദേഹം പറഞ്ഞു. എന്നാല്‍ സംഘര്‍ഷത്തിലാണ് ഷിറിന്‍ കൊല്ലപ്പെട്ടതെന്ന ഇസ്രായേല്‍ വിദേശകാര്യമന്ത്രിയുടെ വാദം തെറ്റാണെന്നും സംഭവം നടക്കുന്ന സമയത്ത് പലസ്തീന്‍ പോരാളികള്‍ ആരുംതന്നെ അവിടെയുണ്ടായിരുന്നില്ലെന്നും ഷിറിനൊപ്പം വെടിയേറ്റ അലി സമുദി പറഞ്ഞു. 

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

'അനധികൃത കയ്യേറ്റക്കാരെ ഒഴിപ്പിക്കുകയാണ് എന്ന് പറഞ്ഞാണ് ഇസ്രായേല്‍ സൈന്യം ജെനിന്‍ നഗരം വളഞ്ഞത്. സൈനിക നടപടി റിപ്പോര്‍ട്ട് ചെയ്യുന്നതിനിടെ മാറി നില്‍ക്കണമെന്നോ റിപ്പോര്‍ട്ടിംഗ് അവസാനിപ്പിക്കണമെന്നോ സൈന്യം ഞങ്ങളോട് ആവശ്യപ്പെട്ടിരുന്നില്ല. ഞങ്ങളെല്ലാവരും മാധ്യമപ്രവര്‍ത്തകരെന്ന് തെളിയിക്കുന്ന ജാക്കറ്റും ഹെല്‍മറ്റും ധരിച്ചിരുന്നു. മാധ്യമപ്രവര്‍ത്തകരെ തന്നെയാണ് സൈന്യം ലക്ഷ്യമിട്ടത്.'- അലി സമുദി പറഞ്ഞു.

Contact the author

International Desk

Recent Posts

International

ചീങ്കണ്ണിയെ വിവാഹംചെയ്ത് മെക്‌സിക്കന്‍ മേയര്‍

More
More
International

രാജ്യത്തെ മതസ്വാതന്ത്ര്യത്തെക്കുറിച്ചുള്ള യുഎസ് സമിതിയുടെ റിപ്പോര്‍ട്ട്‌ തള്ളി ഇന്ത്യ

More
More
International

വാക്ക് പാലിച്ച് ബൈഡന്‍; അമേരിക്കയില്‍ ആദ്യമായി കറുത്തവംശജയായ വനിത സുപ്രീംകോടതി ജഡ്ജിയായി

More
More
International

ലൈംഗിക അതിക്രമം; ഗായകന് 30 വര്‍ഷം തടവ് ശിക്ഷ

More
More
International

ഒമാന്‍ പൗരന്മാര്‍ക്ക് വിസയില്ലാതെ യു കെയിലേക്ക് യാത്ര ചെയ്യാം

More
More
International

നേപ്പാളില്‍ പാനിപൂരി വില്‍പ്പന നിരോധിച്ചു

More
More