പാരിസ്: ഫ്രഞ്ച് പ്രസിഡന്റ് ഇമ്മാനുവല്‍ മാക്രോണിന്റെ മുഖത്തടിച്ച് യുവാവ്. തെക്കുകിഴക്കന്‍ ഫ്രാന്‍സ് പര്യടനത്തിനിടെ കാണികളിലൊരാള്‍ പ്രസിഡന്റിന്റെ മുഖത്തടിക്കുന്ന വീഡിയോ ഇതിനകം സമൂഹമാധ്യമങ്ങളില്‍ വൈറലാണ്. ബിഎംഎഫ് ന്യൂസ് ചാനലാണ് വീഡിയോ ആദ്യം പുറത്തുവിട്ടത്. പര്യടനത്തിനിടെ കാണികളോട് സംസാരിക്കാനായി അദ്ദേഹം ബാരിയറിനടുത്തേക്ക് പോകുന്നതും അവിടെ നിന്നിരുന്ന യുവാവിന് ഹസ്തദാനം നടത്തുകയും ചെയ്തു. പെട്ടെന്ന് യുവാവ് മാക്രോണിന്റെ മുഖത്തടിക്കുകയായിരുന്നു. ഉടന്‍ തന്നെ പ്രസിഡന്റിന്റെ അംഗരക്ഷര്‍ അദ്ദേഹത്തെ സംഭവസ്ഥലത്തുനിന്ന് മാറ്റുകയും യുവാവിനെയും കൂടെയുണ്ടായിരുന്ന രണ്ടുപേരെയും അറസ്റ്റ് ചെയ്യുകയും ചെയ്തു.
ഡ്രോം മേഖലയിലെ ടെയിന്‍ ഇല്‍ ഹെര്‍മിറ്റേജ് എന്ന ഗ്രാമത്തില്‍ വച്ചാണ് പ്രസിഡന്റിനെതിരായ ആക്രമണം. മാക്രോണിനുനേരേ നടന്ന ആക്രമണം വലിയ സുരക്ഷാ വിഴ്ച്ചയാണെന്ന് ഉദ്യേഗസ്ഥരുടെ പക്ഷം. 2022-ല്‍ നടക്കുന്ന പ്രസിഡന്റ് തെരഞ്ഞെുപ്പിനു മുന്നോടിയായി ജനങ്ങളുടെ മനസറിയുക എന്ന ലക്ഷ്യത്തോടെയാണ് അദ്ദേഹം രാജ്യപര്യടനം നടത്തുന്നത്. ഇതാദ്യമായല്ല ഇമ്മാനുവല്‍ മാക്രോണിനെതിരെ ആക്രമണമുണ്ടാവുന്നത്. 2020 ജൂലൈയില്‍ മാക്രോണിനും ഭാര്യ ബ്രിജിറ്റിനും നേരേ അസഭ്യവര്‍ഷവുമായി ഒരു സംഘം ആളുകളെത്തിയിരുന്നു.മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
