പ്യോങ്യാങ്: ഉത്തര കൊറിയ ഭക്ഷ്യക്ഷാമം നേരിടുന്നുണ്ടെന്ന് അംഗീകരിച്ച് പ്രസിഡന്‍റ് കിം ജോങ് ഉന്‍. വര്‍ക്കേഴ്‌സ് പാര്‍ട്ടിയിലെ മുതിര്‍ന്ന നേതാക്കളുടെ യോഗത്തിലാണ് കിം ജോങ് ഉന്‍ രാജ്യം നേരിടുന്ന ഭക്ഷ്യക്ഷാമത്തെക്കുറിച്ചുളള ആശങ്ക പ്രകടിപ്പിച്ചത്. കഴിഞ്ഞ വര്‍ഷം ചുഴലിക്കാറ്റ് മൂലമുണ്ടായ വെളളപ്പൊക്കവും കൊവിഡുമാണ് കാര്‍ഷികമേഖലയില്‍ വന്‍ നഷ്ടമുണ്ടാക്കിയതെന്ന് ഭരണകക്ഷിയായ കിം ജോങ് ഉന്‍ പറഞ്ഞു.
ഉത്തര കൊറിയയില്‍ ഭക്ഷ്യവസ്തുക്കളുടെ വില വന്‍ തോതില്‍ കൂടുകയും പണപ്പെരുപ്പം കുത്തനെ കൂടിയതായും റിപ്പോര്‍ട്ടുകളുണ്ട്. ഒരു കിലോ വാഴപ്പഴത്തിന് 45 ഡോളര്‍ അഥവാ 3,150 രൂപയായതായി എന്‍കെ ന്യൂസ് റിപ്പോര്‍ട്ടില്‍ പറയുന്നു. കൊവിഡ് വ്യാപനം മൂലം ഉത്തര കൊറിയയുടെ അതിര്‍ത്തികളെല്ലാം അടച്ചിരുന്നു. ഇത് ചൈനയുമായുളള വ്യാപാരബന്ധത്തില്‍ വന്‍ ഇടിവുണ്ടായി. ഭക്ഷ്യവസ്തുക്കള്‍, വളം, ഇന്ധനം തുടങ്ങിയവക്കായി ഉത്തര കൊറിയ പ്രധാനമായും ആശ്രയിക്കുന്നത് ചൈനയേയാണ്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഉത്തരകൊറിയയില്‍ ഇതുവരെ ഒരു കൊവിഡ് കേസുപോലും ഔദ്യോഗികമായി സ്ഥിരീകരിച്ചിട്ടില്ല. എന്നാല്‍ രാജ്യത്തിന്റെ അതിര്‍ത്തികള്‍ അടക്കുക, ആഭ്യന്തര യാത്രാ നിയന്ത്രണങ്ങളേര്‍പ്പെടുത്തുക തുടങ്ങിയ കര്‍ശനമായ നിയന്ത്രണങ്ങള്‍ രാജ്യത്ത് ഏര്‍പ്പെടുത്തിയിരുന്നു.
