ധാക്ക: ബംഗ്ലാദേശ് പൊതുതെരഞ്ഞെടുപ്പില് ഷെയ്ഖ് ഹസീനയ്ക്ക് അധികാരത്തുടര്ച്ച. തുടര്ച്ചയായ നാലാം തവണയാണ് ഷെയ്ഖ് ഹസീന പ്രധാനമന്ത്രിയായി അധികാരമേല്ക്കുന്നത്. വിശ്വാസ്യതയില്ലെന്ന് പറഞ്ഞ് പ്രതിപക്ഷ പാര്ട്ടികള് ബഹിഷ്കരിച്ച പൊതുതെരഞ്ഞെടുപ്പില് ആകെ 300 സീറ്റില് 223 സീറ്റുകളിലും ഹസീനയുടെ അവാമി ലീഗ് വിജയിച്ചു. 63 സീറ്റുകളില് സ്വതന്ത്ര്യ സ്ഥാനാര്ത്ഥികളാണ് വിജയിച്ചത്. ഞായറാഴ്ച്ച നടന്ന തെരഞ്ഞെടുപ്പില് 40 ശതമാനം പോളിംഗ് മാത്രമാണ് രേഖപ്പെടുത്തിയത്.
ഗോപാല്ഗഞ്ച് മണ്ഡലത്തില് നിന്ന് മത്സരിച്ച ഷെയ്ഖ് ഹസീന 2,49,965 വോട്ട് നേടി വിജയിച്ചു. 1986 മുതല് എട്ടാം തവണയാണ് ഷെയ്ഖ് ഹസീന ഗോപാല്ഗഞ്ച്-3 ല് നിന്ന് മത്സരിച്ച് വിജയിക്കുന്നത്. തടവില് കഴിയുന്ന മുന് പ്രധാനമന്ത്രി ഖാലിദ സിയയുടെ ബംഗ്ലാദേശ് നാഷണലിസ്റ്റ് പാര്ട്ടി തെരഞ്ഞെടുപ്പ് ബഹിഷ്കരിക്കാന് ആഹ്വാനം ചെയ്തതാണ് പോളിംഗ് കുറച്ചത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
2018-ലെ തെരഞ്ഞെടുപ്പില് 80 ശതമാനം പോളിംഗ് രേഖപ്പെടുത്തിയിരുന്നു. അതേസമയം, വിജയാഹ്ലാദ പ്രകടനങ്ങള് വേണ്ടെന്ന് ഷെയ്ഖ് ഹസീന പാര്ട്ടി പ്രവര്ത്തകരോട് പറഞ്ഞു. രാജ്യം സംഘര്ഷങ്ങളുടെ പശ്ചാത്തലത്തില് നില്ക്കുമ്പോള് വിജയാഹ്ലാദം വേണ്ടെന്നാണ് ഹസീനയുടെ നിര്ദേശം.