ഐപിഎല്ലിൽ കിംഗ്സ് ഇലവൻ പഞ്ചാബിനെതിരെ ചെന്നൈ സൂപ്പർ കിംഗ്സിന് തകർപ്പൻ ജയം. ദുബായ് ഇന്റർനാഷ്ണൽ സ്റ്റേഡിയത്തിൽ പത്തു വിക്കറ്റിനാണ് ചൈന്നൈ പഞ്ചാബിനെ തകർത്തത്. തുടർച്ചയായ 3 മത്സരങ്ങൾ തോറ്റ് കനത്ത വിമർശനം ഏറ്റുവാങ്ങുന്നതിനിടെയാണ് ചെന്നൈ വിജയവഴിയിൽ തിരിച്ചെത്തിയത്. സീസണിലെ ചെന്നൈയുടെ രണ്ടാം ജയമാണിത്.
പഞ്ചാബിന്റെ 179 റൺസ് പിന്തുടർന്ന ചെന്നൈ 18 ആം ഓവറിൽ വിക്കറ്റ് നഷ്ടം കൂടാതെ ലക്ഷ്യം കണ്ടു. ഓപ്പണർമാരായ 87 ഉം ഡ്യൂപ്ലസി 83 ഉം റൺസെടുത്തു.
ടോസ് നേടി ബാറ്റിംഗ് തെരഞ്ഞെടുത്ത പഞ്ചാബിനായി ക്യാപ്റ്റൻ കെഎൽ രാഹുലിന് മാത്രമെ മികച്ച സ്കോർ കണ്ടെത്താനായുള്ള. രാഹുൽ 52 പന്തിൽ നിന്ന് 63 റൺസെടുത്തു. മികച്ച ഫോമിലുള്ള മായങ്ക് അഗർവാൾ 26 ഉം, മൻദീപ് 27 ഉം നിക്കൊളാസ് പുരാൻ 33 ഉം റൺസെടുത്തു പുറത്തായി. 4 വിക്കറ്റ് നഷ്ടത്തിലാണ് പഞ്ചാബ് 179 റൺസിലെത്തിയത്. ചെന്നൈക്കായി ശാർദുൽ ഠാക്കൂർ രണ്ട് വിക്കറ്റെടുത്തു.
മറുപടി ബാറ്റിങ്ങിൽ ചെന്നൈ ഓപ്പണർമാർക്ക് ഭീഷണി ഉയർത്താൻ പഞ്ചാബ് ബൗളർമാർക്കായില്ല. 10 ഓവറിൽ ചെന്നൈ 100 റൺസ് പിന്നിട്ടു. ജയത്തോടെ 6 പോയന്റുമായി ചെന്നൈ ലീഗിൽ ആറാം സ്ഥാനത്തെത്തി. 5 കളികളിൽ നിന്ന് 1 ജയം മാത്രമുള്ള പഞ്ചാബ് അവസാന സ്ഥാനത്താണ്.