കാബൂള്: പാകിസ്ഥാന് ആര്മി കമാന്ഡര് അടക്കമുള്ളവര് സഞ്ചരിച്ച സൈനിക ഹെലികോപ്റ്റര് തകര്ന്നുവീണ് ആറുപേര് മരിച്ചു. ലെഫ്റ്റനന്റ് ജനറല് സര്ഫ്രാസ് അലിയും അഞ്ചുപേരും സഞ്ചരിച്ച ഹെലികോപ്റ്റര് ബലൂചിസ്ഥാനിലെ ലാസ്ബെല മേഖലയിലാണ് തകര്ന്നുവീണത്. ബലൂചിസ്ഥാനിലെ വിമതര് ഹെലികോപ്റ്റര് വെടിവെച്ചിട്ടതാണെന്ന ആരോപണം ശക്തമായി ഉയര്ന്നുവരുന്നുണ്ട്. തിങ്കളാഴ്ചയാണ് അപകടമുണ്ടായത്. പാകിസ്ഥാനില് കനത്ത മഴയെ തുടര്ന്ന് പല പ്രദേശങ്ങളും വെള്ളത്തിനടിയിലായിരുന്നു. ഈ പ്രദേശങ്ങളില് ദുരിതാശ്വാസ പ്രവര്ത്തനങ്ങള് ഏകോപിപ്പിച്ചിരുന്ന ഹെലികോപ്റ്ററാണ് തകര്ന്നുവീണത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, ബാലുചിസ്ഥാന് വിമതര് ഈ വിഷയത്തില് ഇതുവരെ പ്രതികരിക്കുകയോ ഉത്തവാദിത്വം ഏറ്റെടുക്കുകയും ചെയ്തിട്ടില്ല. അഫ്ഗാനിസ്ഥാന്റെയും പാകിസ്ഥാന്റെയും അതിര്ത്തി പ്രദേശങ്ങളില് വിമത നീക്കം തടയുന്നതിനായി ലെഫ്റ്റനന്റ് ജനറല് സര്ഫ്രാസ് അലിയുടെ നേതൃത്വത്തില് സുരക്ഷ ശക്തമാക്കിയിരുന്നു. ഇതിനുപിന്നാലെയാണ് സര്ഫ്രാസ് അലി യാത്ര ചെയ്ത ഹെലികോപ്റ്റര് വിമതര് വെടിവെച്ചിട്ടതെന്നാണ് അനൌദ്യോഗിക റിപ്പോര്ട്ട്. കറാച്ചിയില് നിന്ന് പുറപ്പെട്ട എ.എസ് 350 ഹെലികോപ്റ്ററാണ് അപകടത്തില്പ്പെട്ടത്. ബ്രിഗേഡ് അംജദ് ഹനീഫ്, മാജ് സഈദ്, മാജ് തല്ഹ, നായ്ക് മുദസിര് തുടങ്ങിയവരായിരുന്നു ഹെലികോപ്റ്ററിനുള്ളിലുണ്ടായിരുന്നതെന്ന് പാകിസ്ഥാനിലെ പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നു.